ANG KATOTOHANAN SA TUNAY NA IGLESIA NA TATAG NI CRISTO AYON SA BIBLIA (PART 1)

Marami na ngayong mga iglesia na lumilipana sa mundo. Sa kasalukuyan, may may humigit kumulang nang 45,000 na mga denominasyon ang naglipana sa mundo ayon sa isang article ni Donavny Coffey na inilabas noong February 27, 2021. Sa article niya sa LiveScience.com, “Why does Christianyity have so many denominations?” ipinakita ditto kung paano dumami ang mga naitayong mga sekta.

45,000 Christian Denomination

Heto po ngayon ang tanong. Paano mo ba malalaman kung ang iglesia mo ay tunay na sa Dios? Babasahin natin ang nakasulat sa Mateo 16:18-19:

MATEO 16:18-19 (ANG SALITA NG DIYOS)

18 At sinasabi ko rin sa iyo: Ikaw ay Pedro. Sa ibabaw ng batong ito ay itatayo ko ang aking iglesiya. Hindi makakapanaig sa kaniya ang tarangkahan ng Hades. 19 Ibibigay ko sa iyo ang mga susi ng paghahari ng langit. Anuman ang iyong tatalian sa lupa ay tatalian sa langit. Anuman ang iyong kalagan sa lupa ay kakalagan sa langit.

Base sa talata, si Cristo ang nagtayo ng iglesia na sa Dios. Tandaan, ang nagtayo ng iglesia na ang ating Panginoong Hesukristo ay siya ring ulo ng iglesiang itinayo niya (Colosas 1:18). Kaya, dapat, base sa kasaysayan, makikita natin na ang isang iglesia ay itinayo ni Cristo at hindi ng tao. 

Isa sa mga sektang pangrelihiyon sa Pilipinas ay ang Jesus is our Shield Worldwide Ministries, Inc., na alam naman natin ay si Apostle Renato Carillo. Mas nakilala siya bilang Pastor Butiki dahil sa pangungutya niya sa Benedictine cross na suot ng isang babaeng dumulog sa kanya na ang nasabing video ay naging viral. Babasahin natin sa aklat niyang The Blessing of Praying in Tongues, ganito ang ating mababasa:

“He (Apostle Renato Carillo) is the Founder and Spiritual Director of Jesus is our Shield Worldwide Ministries, Inc., an ever growing ministry with hundreds of established chapters all over the world.”

The Blessing of Praying in Tongues By Apostle Renato Carillo pp. 2

Base dito, inamin na niya mismo sa aklat na siya ang founder ng nasabing sekta at hindi ang ating Panginoong Hesukristo. Tanong, dahil siya ang nagtayo ng nasabing iglesia, ito ba ang tunay na iglesia na sa Dios? Tandaan natin, ayon sa Biblia-

AWIT 127:1 (ANG BAGONG ANG BIBLIA)
Malibang ang PANGINOON ang magtayo ng bahay, ang mga nagtayo nito ay walang kabuluhang nagpapagod. Malibang ang PANGINOON ang magbantay sa lunsod, ang bantay ay nagpupuyat nang walang kabuluhan.

Wala talagang kabuluhan kapag ang iglesia na ang ulo ay si Cristo ay itinayo ng tao. Kaya, dapit nating tanggapin na ang iglesia ay itinayo dapat ni Cristo at hindi kung sinuman. Pero, kung ating tignan, malalaman natin kung tunay nga silang iglesia dahil sasabihin talaga nila na sila ay tunay na itinayo ni Cristo. Isang halimbawa ang samahan ni Eli Soriano, ang Members Church of God International. Tatanungin natin si Eli Soriano kung sila ba ay naniniwala na sila ang tunay na iglesia na sa Dios? Panoorin ang video na ito:

Inamin naman pala ni Eli Soriano eh. Ibig sabihin, hindi pala sila ang tunay na iglesia na ang nagtatag ay ang ating Panginoong Hesukristo. Wala naman silang katibayan na sila ay ang kasalukuyang iglesia na may kaugnayan sa ating Panginoong Hesukristo kasi base sa sinabi niya, NAKIANIB lang daw sila. Sila lang ang nagclaim na nakianib sila. Sino ba ang tumanggap? Kaya klaro po, mga kapatid na hindi nga sila ang iglesia na itinayo ng ating Panginoong Hesukristo.

Share:

Read More

TOTOO BA ANG SINASABING MARIA DIVINE MERCY?

Tanong:
Good day po Ka Burnok. I want you to investigate bro the group of Maria Divine Mercy, kasi marami sa aming community ang nabrainwashed ng group na ito. Salamat po and God bless!
- Marky Bodiongan, via Gmail

Sagot:

    Salamat po sa inyong tanong, kapatid. Heto po ang sagot sa inyong tanong. Isa pong statement ang inilabas ng Catholic Bishops Conference of the Philippines (CBCP) noong July 1, 2019, sa kanilang website na CBCP News, may article doon na “CBCP warns against ‘Maria Divine Mercy’” ay ganito po ang nakasaad doon:

The Catholic Bishops’ Conference of the Philippines (CBCP) has warned the faithful against a fake prophet and preacher.

In a letter to the dioceses June 29, Archbishop Romulo Valles of Davao, CBCP President, urged the faithful to be “very careful” with the group called “Maria Divine Mercy”.

“They bring confusion and propagate erroneous, false and distorted teachings to our Catholic faithful,” said Archbishop Valles.

Maria Divine Mercy is the name assumed by what is believed to be a self-proclaimed Irish seer called Mary Carberry.

Mary Carberry

Carberry has claimed for years to have received messages from Jesus Christ and the Virgin Mary.

Mary Carberry

Among these messages included apocalyptic predictions about Pope Benedict XVI’s resignation, and words to the effect that Pope Francis was a false prophet.

CBCP News Article:  CBCP warns against ‘Maria Divine Mercy’ July 1, 2019

To date, she remains to have a significant international following. In the Philippines, their activities are being held in Cebu, Iloilo, Bukidnon, Zamboanga and Batangas.

The CBCP letter stemmed from complaints raised by Divine Mercy devotees, through Bishop Ruperto Santos of Balanga.

Bishop Santos, who is also the World Apostolic Congress on Mercy (WACOM) Asia episcopal coordinator, said the group’s activities in the country “is a cause for alarm”.

- Article CBCP warns against ‘Maria Divine Mercy’, written July 1, 2019

    Base pala sa nasabing article na inilabas ng CBCP, isang self-proclaimed Irish seer na si Mary Carberry nagmula ang Maria Divine Mercy at siya ay nagsasabing nakatanggap daw ng mga mensahe mula sa ating Panginoong Hesukristo at kay Birheng Maria. Isa sa mga nabanggit niya sa aklat niyang The Book of Secrets ay ang prediksyon niya tungkol sa pagreresign ni Pope Benedict XVI at sinasabi niyang bulaang propeta daw si Pope Francis.

    Suriin natin ang isa sa mga sinabi ni Mary Carberry. Isa sa mga pahayag niya ay ganito:

MDM July 22nd 2013

    “The Church has been infested from the inside, by enemies of God. They – and there are twenty of them who control from within – have created the greatest deceit. They have elected a man, not of God, while the Holy Father, accorded the Crown of Peter, has been carefully removed."

- MDM July 22nd 2013

Base sa naging pahayag niya, pinapalabas niya na hindi nagresign si Pope Benedict XVI, kundi siya ay pilit na pinapaalis ng mga nasa Vatican. Totoo naman kaya itong pahayag niya? Sa FAREWELL ADDRESS OF HIS HOLINESS POPE BENEDICT XVI TO THE EMINENT CARDINALS PRESENT IN ROME na sinalita ni Pope Benedict XVI sa Clementine Hall noong February 28, 2013, ay ganito ang ating makikita:

    “I would like to tell you that I shall continue to be close to you with my prayers, especially in these coming days, that you may be completely docile to the action of the Holy Spirit in the election of the new pope. May the Lord show you the one whom he wants. And among you, in the College of Cardinals, there is also the future pope to whom today I promise my unconditional reverence and obedience.”

http://www.vatican.va/content/benedict-xvi/en/speeches/2013/february/documents/hf_ben-xvi_spe_20130228_congedo-cardinali.html

    Kaya, mali talaga ang propetang ito na nagpapakalat ng kasinungalingan. Kaya, bilang pagsunod sa bilin ng Iglesia Katolika sa pamamagitan ng CBCP, ay hindi tayo dapat maging involved sa Maria Divine Mercy. Hindi kasi ito aprubado ng Simbahang Katoliko. Dahil din dito, si Mary Carberry ay isa sa mga gumagawa ng propesiya na hindi totoo at ganito ang sinasabi ng Biblia tungkol dito:

DEUTERONOMIO 18:22 (ANG BIBLIA 1905)

Pagka ang isang propeta ay nagsasalita sa pangalan ng Panginoon, kung ang bagay na sinasabi ay hindi sumunod ni mangyari, ay hindi sinalita ng Panginoon ang bagay na yaon: ang propetang yaon ay nagsalita ng kahambugan, huwag mong katatakutan siya. 

Share:

Read More

PAGTULIGSA NG YOUTUBE CHANNEL NA “DRAMA NATIN TO TV” SA IGLESIA KATOLIKA, IBUBUKO NATIN!

Isa sa namamayagpag na YouTube Channel ngayon ay ang Drama Natin To TV na, alam natin, ay mula sa isang miyembro ng Iglesia ni Cristo. Noong una, napansin ko, ay puro mga tungkol sa Iglesia ni Cristo ang kanyang content, pero ngayon ay, may mga video siya na tumutuligsa sa Iglesia Katolika.

Isa sa mga naging video niya ay ang video na may pamagat na “Bible Verse Dinagdagan Para Umayon sa kanilang katwirang aral Katoliko” na iniupload noong July 16, 2021. Sa nasabing video, kaniyang tinira ang sinasabi ng isang pari na kilala natin sa pangalang Fr. Abe Arganiosa. Si Fr. Abe, kung tawagin ng ilan, ay ang kasalukuyang National Spiritual Adviser ng Catholic Faith Defenders – National, at isa sa mga inspirasyon ng programang ito, para depensahan ang ating pananampalataya.

Panoorin sa episode na ito ng FactBusters PH ang ginawa ng nasabing YouTube Channel.

Share:

Read More

ANG DOKTRINA NG SANTISIMA TRINIDAD: IMBENTO LANG NGA BA NG IGLESIA KATOLIKA? (PART 2)

Tanong:

Magandang gabi Ka Burnok, isa po akong tagasubaybay ng iyong channel po at marami ako natutunan po. May isa po akong tanong na sana mabigyan ng linaw tungkol po sa pinapakalat ni URUR ANULECRAB o ruru barceluna po. Ito ay tungkol sa ''TRINITY”. Imbento lng daw po ito ng Katoliko, wala naman daw talaga nakasulat sa Biblia about dito. Gusto ko lang po mabigyang linaw po ito dahil itong si URUR marami ng kasinungalingan na pinapakalat sa mga groups po. Nakakaalarma na po kasi marami din ang mga naniniwala sa mga kasinungalingan niya. Salamat po Ka Burnok. God bless and more power po sa inyong channel.

- Bhem Penaflor Franco

Sagot: 

Maraming salamat sa iyong napakagandang katanungan. May isinend po siya sa atin na isang link that will lead us to an article, at para sa sagot natin, ipapakita natin ang ikalawang bahagi ng article na ito. Heto po ang sinasabi ng article ni URUR ANULECRAB:

TUNGKOL SA PAG IMBENTO NG TRINIDAD

"Though the exact terms in which the [Catholic] Church has formally defined the dogma of the Blessed Trinity ... are not in the Bible, and may, therefore, in a sense be called unscriptural. . .[The Divine Trinity: A Dogmatic Treatise, by Rt. Rev. Msgr. Joseph Pohle, p. 22]

Naloko na!!”

Base sa bahaging ito ng article, totoo ba ang kanyang sinasabi o baka siya ang nanloloko sa kanyang post? Tignan nga natin ang aklat na ginamit niya para patunayan na imbento lang daw ang Santisima Trinidad

Pansining mabuti. Mukhang may pinutol siya sa reperensyang ginamit, na pilit niyang iniiwasan. Huling-huli ka na! Hindi pala isinama ni URUR ang nasa susunod na parte ng aklat. Bakit iniiwasan ito ni URUR na ito? 

Grabe talaga siya: MANLOLOKO! Huli na naman ang modus ninyo. Bakit pilit niyong pinuputol ang reperensya? Hindi pala gawa-gawa ng Iglesia Katolika ang doktrina ng Santisima Trinidad dahil ayon sa hindi nila isinama sa reperensya, “yet materially, that is in substance, they correctly expresses the teaching of the New Testament, which, like the Church, explicitly acknowledges three real Persons in one Divine Nature, in which precisely the dogma of the ‘Trinity in Unity’ consists.” Kaya klarong palpak na naman ang mga ginagawa nila na isang MALAKING DECEPTION. Kaya, BUSTED YAN, PALPAK!

Ngayon, puntahan naman natin ang isa pang basehan ni URUR ANULECRAB:

TUNGKOL SA PAG IMBENTO NG TRINIDAD

Aminado na wala nga talaga sa Biblia ang paniniwalang ito, at imbento lamang ni Tertullano ang aral ukol sa Trinidad. Kailan ito nagsimulang ipangaral?

"It is a simple fact and an undeniable historical fact that several major doctrines that now seem central to the Christian Faith – such as the doctrine of the Trinity and the doctrine of the nature of Christ – were not present in a full and self-defined generally accepted form until the fourth and fifth centuries. If they are essential today – as all of the orthodox creeds and confessions assert – it must be because they are true. If they are true, then they must always have been true; they cannot have become true in the fourth and fifth century. But if they are both true and essential, how can it be that the early [Catholic] church took centuries to formulate them?" [The Doctrine of the Trinity Christianity’s Self- Inflicted Wound 1994 Anthony F. Buzzard Charles F. Hunting]

Ginamit naman niya ang aklat ni Anthony Buzzard at Charles Hunting. Eh, sino ba ang dalawang ito? Ayon sa article sa Wikipedia tungkol sa katauhan ni Anthony Buzzard:

“Following his break with Armstrong, in 1981 Buzzard, founded with the help of Charles F. Hunting, the Restoration Fellowship, a Christian group dedicated to missionary and teaching work all over the world. It is affiliated with the Church of God General Conference, a group founded in 1921, holding Adventist and Unitarian beliefs, similar to the Church of the Blessed Hope and Christadelphians. Buzzard publishes a monthly newsletter Focus on the Kingdom, and is co-editor of A Journal from the Radical Reformation, which explores continuity between the beliefs of Reformation groups - such as some Anabaptists, Socinians, early Unitarians and "Biblical Unitarian" groups today. Buzzard has been noted as one of the principal writers seeking a revival of early Unitarian beliefs.”

- https://en.wikipedia.org/wiki/Sir_Anthony_Buzzard,_3rd_Baronet

Kaya, para gamitin ito ng mga taga Iglesia ni Cristo ni Manalo ay pawang kapalpakan kasi mga Unitarian believers pala ang dalawa, kaya natural na sisiraan nila ang Trinitarian belief. Kaya, muli, palpak na naman ang nasabing reperensya, kaya, BUSTED YAN, PALPAK!!!

Dahil sa ating nabuko, napatunayan natin na nandadaya talaga sa reperensya ang mga disipulo ng Iglesia ni Cristo na tatag ni Manalo. Kaya salamat sa tanong, kapatid na Bhem Penaflor Franco at sana maliwanag ang ating naging sagot.

Share:

Read More

AYON SA MGA TAGA IGLESIA NI CRISTO NI FELIX MANALO, ANG SANTO PAPA DAW ANG HEAD NG IGLESIA KATOLIKA AT ITO DAW AY LABAG SA BIBLIA. TOTOO BA ITO?

Isa sa sikat na argumento ng mga ministro at kahit mga miyembro ng Iglesia ni Cristo na tatag ni Felix Manalo na inaamin daw ng Iglesia Katolika na ang Santo Papa daw ang ulo ng iglesia. Sa programa nilang Ang Pagbubunyag, sinabi ng isang ministro na kasinungalingan daw ang katuruang Katoliko.

Excerpt from Ang Pagbubunyag

Naging kasinungalingan daw ito dahil ayon sa Biblia, sa unang bahagi ng Colosas 1:18, ang sabi: “At siya ang ulo ng katawan, sa makatuwid baga'y ng iglesia;” (Ang Dating Biblia). Pero, sa Katoliko daw, si Pedro at ang mga Santo Papa ang naging ulo ng iglesia.

Excerpt from Ang Pagbubunyag

Para patunayan ang kanilang claim, lagi silang gumagamit ng mga aklat Katoliko. Gusto ko kayong bigyan ng halimbawa. May isang member na nagpost din ng kaparehang argumento pero ang kanyang ginamit na aklat na batayan ay ang aklat na A Catechism for Inquirers na isinulat ni Joseph Malloy. Heto ang post niya-

Isang post ng INC Member

Atin ngang suriin ang nasabing reperensya. Sa aming pagsasaliksik, nahanap naming ang quotation na nagsasabing “The Bishop of Rome is the Poe. That is, a man elected by the cardinals to be the bishop of Rome and because he holds that office, he is the POPE, THE HEAD OF THE CATHOLIC CHURCH.” (A Catechism for Inquirers, pp. 63)

A Catechism for Inquirers, pp. 63

Heto ang tanong. Totoo ba ang claim na ito ng mga taga Iglesia ni Cristo ni Manalo o pawang nababaliw lang sila at INCOMPLETE lang talaga ang unawa nila? Titignan natin. Sa pahina 19 ng parehong aklat, ganito ang ating mababasa: “Christ himself is the true Head of the Church; the pope is his vicar and chief representative on earth.” 

A Catechism for Inquirers, 4th Revised Edition, pp. 19

Ayan naman pala eh. Napakaklaro, mga kababayan. Sa Iglesia Katolika, si Cristo ay kinikilalang ulo ng Iglesia Katolika na siyang sang-ayon sa Colosas 1:18. Ngunit, tandaan, kahit na nabuhay ng maguli si Cristo, sasamahan pa rin niya ang kanyang iglesia, base sa Mateo 28:20-

MATEO 28:20 (ANG DATING BIBLIA)

Na ituro ninyo sa kanila na kanilang ganapin ang lahat ng mga bagay na iniutos ko sa inyo: at narito, ako'y sumasa inyong palagi, hanggang sa katapusan ng mga panahon. 

Ibig sabihin, hindi pa rin nawawala ang pagiging ulo niya ng Iglesia. Base rin sa opisyal na doktrina ng Iglesia Katolika, ganito ang ating mababasa sa CCC #792-

CATECHISM OF THE CATHOLIC CHURCH

792 Christ "is the head of the body, the Church." He is the principle of creation and redemption. Raised to the Father's glory, "in everything he [is] preeminent," especially in the Church, through whom he extends his reign over all things.

Ngunit, dahil hindi na natin siya kasama sa lupa, ay kailangan ng isang ‘representative’ si Cristo sa lupa, at iyan ay ang role ng Santo Papa, kagaya ni Eliakim na binigyan din ng susi ng kaharian ni David sa Isaias 22:20-22 na ganito naman ang sinasabi:

ISAIAS 22:20-22 (ANG DATING BIBLIA)

20 At mangyayari sa araw na yaon, na aking tatawagin ang aking lingkod na si Eliacim na anak ni Hilcias: 21 At aking susuutan siya ng iyong balabal, at patitibayin siya ng iyong pamigkis, at aking ipagkakatiwala ang iyong pamamahala sa kaniyang kamay: at siya’y magiging ama sa mga nananahan sa Jerusalem, at sa sangbahayan ni Juda. 22 At ang katungkulan sa sangbahayan ni David ay iaatang ko sa kaniyang balikat; at siya’y magbubukas, at walang magsasara; at siya’y magsasara, at walang magbubukas. 

Ang magkahalintulad na tagpo din ang nangyari kay Cristo at kay Pedro sa Mateo 16:18-19 na ganito naman ang mababasa-

MATEO 16:18-19 (ANG DATING BIBLIA)

18 At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang aking iglesia; at ang mga pintuan ng Hades ay hindi magsisipanaig laban sa kaniya. 19 Ibibigay ko sa iyo ang mga susi ng kaharian ng langit: at anomang iyong talian sa lupa ay tinatalian sa langit; at anomang iyong kalagan sa lupa ay kinakalagan sa langit. 

Kaya, ang Santo Papa ay naging ulo ng iglesia kasi sa Santo Papa ibinigay ang susi ng kaharian ng langit.. Katunayan, sa CCC #936, ganito ang nakasulat:

CATECHISM OF THE CATHOLIC CHURCH

936 The Lord made St. Peter the visible foundation of his Church. He entrusted the keys of the Church to him. The bishop of the Church of Rome, successor to St. Peter, is "head of the college of bishops, the Vicar of Christ and Pastor of the universal Church on earth

Ibig sabihin, sa doktrina ng Iglesia Katolika, ang INVISIBLE HEAD ay si Cristo at ang VISIBLE HEAD naman ay si Pedro at ang kanyang mga kahalili na tinatawag nating Santo Papa. Kaya sa sinasabi ng mga PALPAK NA MINISTRO ng Iglesia ni Cristo ni Manalo, BUSTED YAN, PALPAK!!!

Share:

Read More

TOTOO BANG DIOS NG MGA KATOLIKO SI MARIA AYON SA PAMAGAT NG ISANG AKLAT KATOLIKO?

Tanong:

Hello po bro. Totoo ba itong nakita ko sa FaceBook na sa Iglesia Katolika, DIOS daw si Maria? Salamat po sa paglilinaw, bro.

- Alvin June Trono

Sagot:

Maraming salamat kapatid na Alvin sa iyong tanong. Grabe naman ang akusasyon ni Dave Francis Miranda. Susuriin natin kung tama ba ang sinasabi niya o pawang fake news na naman ito.  Ayon kasi sa post niya “Di naman daw nila sinasamba si Maria, dinidiyos lang nila. Stupid Catholics mga utak katoks nga talaga.”

Fake news ni Dave Francis Miranda

Suriin nga natin. Ang tinutukoy na aklat ni Bro. Alvin ay ang aklat na may pamagat na “The Holy Mother Mary is God.” Ayon sa research namin, ito ay inilimbag noong 2013 ng Dedicated Lightworker Press. Ngayon, ang aklat na ito ba ay galing sa Iglesia Katolika? Suriin natin.

“The Holy Mother Mary is God.”

Napag-alaman sa aming research na sa kanilang FaceBook Page, ang Dedicated Lightworker Press ay may kaugnayan sa InPower na siyang business ng Revelation 18 Church, at hindi ng Iglesia Katolika.

Dedicated Lightworker

https://www.inpowermovement.com/

Kaya klaro pa sa sikat ng araw na ang nagpapakalat ng tsismis na ito na si ni Dave Francis Miranda ay nagpapakalat ng kasinungalingan, na napag-alaman nating isang Iglesia ni Cristo ni Manalo member pala. Ano ba ang sabi ng Biblia sa mga kagaya niya?

Roma 1:29, (Filipino Standard Version)

“Naging alipin sila ng lahat ng uri ng kasamaan, kalikuan, kasakiman, at kahalayan. Naghari sa kanila ang pagkainggit, pagpaslang, pag-aaway, pandaraya, at masasamang hangarin. Sila'y naging mahihilig sa tsismis,”

Kaya, base sa Biblia, naging alipin ng kasamaan na ang nagpapakalat ng tsismis na ito. Masakit ito pero yan ang katotohanan. Maraming salamat kay kapatid na Alvin sa iyong tanong.

God bless po sa atin at Mabuhay ang Dios ng pag-ibig!

Share:

Read More

BASE BA SA MATEO 28:19, ANG PANGALAN NG AMA, ANAK, AT ESPIRITO SANTO BA AY TUMUTUKOY SA IISANG PERSONA LAMANG, AYON SA NAGPAPAKILALANG APPOINTED SON OF GOD?

Viral ngayon sa social media ang paninira ng isang mangangaral na nagpapakilalang Appointed Son of God sa Davao City na si Pastor Apollo Quiboloy sa Santisima Trinidad na doktrina ng Iglesia Katolika. Ayon pa nga sa isang larawan na quoted sa sinabi ni Pastor Quiboloy sa programa niyang Give Us this Day, ay ganito ang sinasabi, “You believers of the Trinity, whether you hide it or not, or expound it otherwise or not, you are believers of three Gods.” 

Opinion ni Pastor Quiboloy

Grabe naman ang pastor na ito. Ano ba ang katibayan niya para sabihing totoo ang kanyang sinasabi? Naalala ko, dati, may nagtanong sa kanilang programa, at ito ang tanong:

Program Host: Pastor, another question from a viewer. In Matthew 28:19-20, bago po umakyat si Hesus sa langit, sinabi niya sa kanyang mga disipulo na magbautismo kayo in the name of the Father, the Son, and the Holy Spirit. Please help me understand this because Pastor you mentioned several times that there is no TRINITY found in the Holy Scriptures. I am confused.

Paano naman ito sinagot ng nagpapakilalang Appointed Son of God daw?

Quiboloy: Hindi ito TRINITY. Ginawang Trinity, eh. Yun interpret nila, Trinity. Sinabi niya, bautismuhan ninyo sa pangalan ng Ama, ng Anak at ng Espirito. Yung pangalan ng Ama, ano yon? Yung pangalan ng Anak, ng Espirito, ano yon? Gusto mong malaman, yung pangalan na yon, singular. Hindi niya sinabi, sa mga pangalan ng Ama, ng Anak at Espirito. Sapagkat ang Ama, hindi pangalan. Ang Anak, hindi pangalan, at ang Espirito Santo, hindi pangalan. Mga titulo yan ng isang pangalan.    (Panooring ang video dito sa )

Totoo kaya ang sinabi ni Quiboloy? Ating suriin ang nakasulat sa Mateo 28:19

MATEO 28:19 (MAGANDANG BALITA BIBLIA)

Kaya, humayo kayo at gawin ninyong alagad ko ang lahat ng bansa. Bautismuhan ninyo sila sa ngalan ng Ama at ng Anak at ng Espiritu Santo, 

Totoo kaya na isang persona lang ang tinutukoy ng pangalang Ama, Anak at Espirito Santo? Suriin natin gamit ang original Greek Text.

Mateo 28:19 Greek Interlinear

Ating ifocus ang Greek line na-

“…eis to onoma tou Patros kai tou Huiou kai tou Hagiou Pneumatos”

Base sa Greek Grammar, ang tou ay isang article, ang Patros, Huiou at Pneumatos ay mga nouns at may conjunction na kai na naghihiwalay sa tatlong nouns.

article, noun --- conjunction – article, noun -- conjunction – article, (adjective) noun

Mula dito, may format ito na: 

article, noun --- conjunction – article, noun -- conjunction – article, (adjective) noun

Ibig sabihin, may format talaga ito. Ayon sa mga Bible scholars, ano ba ang pinapahiwatig nito kapag may ganitong format na nakikita sa talata? Babasahin natin ang aklat na A Greek Grammar of the New Testament na isinulat ni Curtis Vaughn at Virtus Gideon, sa page 83, ganito ang nakasulat “If two nounds of the same case are connected by kai and the article is used with both nouns, they refer to different persons or things.” Ito po ay tinatawag na Sharp’s Rule.

Sharp’s Rule

Napakaklaro pala eh. Ibig sabihin, mali pala si Quiboloy. Ang pangalan ng Ama ay tumutukoy sa isang persona; ibang persona naman ang tinutukuyan ng pangalan ng Anak at ibang persona rin ang tinutukuyan ng Espirito Santo, base sa Mateo 28:19.

Kaya, mali talaga si Pastor Quiboloy. Tandaan, tatlong persona ang tinutukoy sa Mateo 28:19 at hindi iisang persona. Pasensya na po kung masakit ang sasabihin ko pero, hindi totoo ang sinasabi ng nagpapakilalang Appointed Son of God na si Pastor Quiboloy, kaya, BUSTED YAN, PALPAK!!!

Panoorin ang Video Kung paano sinagot ni Ka Burnok si PACQ 

Share:

Read More

ANG DOKTRINA NG SANTISIMA TRINIDAD: IMBENTO LANG NGA BA NG IGLESIA KATOLIKA? (PART 1)

Tanong:
Magandang gabi Ka Burnok, isa po akong tagasubaybay ng iyong channel po at marami ako natutunan po. May isa po akong tanong na sana mabigyan ng linaw tungkol po sa pinapakalat ni URUR ANULECRAB o ruru barceluna po. Ito ay tungkol sa ''TRINITY”. Imbento lng daw po ito ng Katoliko, wala naman daw talaga nakasulat sa bibliya about dito. Gusto ko lang po mabigyang linaw po ito dahil itong si URUR marami ng kasinungalingan na pinapakalat sa mga groups po. Nakakaalarma na po kasi marami din ang mga naniniwala sa mga kasinungalingan niya. Salamat po Ka Burnok. God bless and more power po sa inyong channel.
- Bhem Penaflor Franco

Sagot:
Maraming salamat sa iyong napakagandang katanungan. May isinend po siya sa atin na isang link that will lead us to an article, at para sa sagot natin, hahatiin natin sa dalawa ang article na ito. Heto po ang sinasabi ng article ni URUR ANULECRAB:

“TUNGKOL SA PAG IMBENTO NG TRINIDAD

"The term 'Trinity' is not found in Scripture [Bible], ... The invention of the term is ascribed to Tertullian." [Systematic Theology, by Augustus Hopkins Strong, page. 304 ]

Post ni URUR

Naloko na!!”

Base sa bahaging ito ng article, totoo ba ang kanyang sinasabi o baka siya ang nanloloko sa kanyang post? Tignan nga natin ang aklat na ginamit niya para patunayan na imbento lang daw ang Santisima Trinidad:

Systematic Theology by Augustus Hopkins Strong pp. 304

Pansining mabuti. Mukhang may pinutol siya sa reperensyang ginamit, na pilit niyang iniiwasan. Huling-huli ka na! Kulang ng “although the conception it expresses is Scriptural”. Bakit iniiwasan ito ni URUR na ito? Alam niyo ba, ginamit din ito ng isang ministro ni Iglesia ni Cristo na si Dan Omar Leybag sa programa niyang Ang Pagbubunyag ang nasabing reperensya at tignan niyo kung paano niya tinupi ito:

Putol na reperensya

Grabe talaga sila: MGA MANLOLOKO! Huli na ang modus ninyo. Bakit pilit niyong pinuputol ang reperensya? Hindi pala gawa-gawa ng Iglesia Katolika ang doktrina ng Santisima Trinidad dahil ayon sa hindi nila isinama sa reperensya, “although the conception it expresses is Scriptural.” Kaya klarong palpak na naman ang mga ginagawa nila na isang MALAKING DECEPTION. Kaya, BUSTED YAN, PALPAK!

Para sa kompletong video, panoorin po ito:

Share:

Read More

TOTOO BANG ISANG BIBLIA NG IGLESIA KATOLIKA ANG NANINIRA SA MGA TAGA SAKSI NI JEHOVAH?

Isa sa mga naging aklat ko noon ay ang aklat ng Saksi ni Jehovah na bigay sa akin ng isang photographer na miyembro ng kanilang grupo. Ang aklat na “You Can Live Forever in Paradise on Earth” ang aking tinutukoy, na nagandahan naman ako dahil maraming mga colored pictures sa larawan. 

Tuwing maiisip ko yon, parang natawa na lang ako. Naalala ko kasi ang sabi niya dati, “Alam mo naman pala na ang salitang JEHOVAH ay ang pangalan ng Dios, ngunit, ang Iglesia Katolika (na siyang relihiyon ko hanggang ngayon) ay naninira dahil mali daw ang paggamit ng pangalang ito.” Tsaka pinapabasa sa akin ang aklat na ito. Sa pahina 43 ng nasabing aklat, ganito ang nakasulat: “For example, the Catholic Douay Version, which does not use God’s name in its main text, says in its footnote to Exodus 6:3: “Some moderns have framed the name Jehovah… the true pronounciation of the name, which is in the Hebrew text, by long disuse, is now quite lost.” (You Can Live Forever in Paradise on Earth, © 1982, pp. 43)

 

You Can Live Forever in Paradise on Earth, © 1982, pp. 43

Parang pinapalitaw ng aklat na ang Iglesia Katolika ang nagsabi na mali ang pangalang JEHOVAH. Hindi ko po layunin saktan ang damdamin ng mga taga Saksi ni Jehovah dahil marami akong kilalang miyembro nila na mabait naman ngunit, masakit isipin na pawang nagpapahiwatig sila na ang Iglesia Katolika ang naninira sa paniniwala nilang ito.

Pero tanong: tama ba ang pinapahiwatig ng aklat? Ating bisitahin at suriin ang orihinal na aklat kung tama ba ang quotation na ginamit nila. Ayon sa orihinal na Douay-Rheims Bible, sa footnote nito sa Exodus 6:3, ganit ang nakasulat: “Hence, some moderns have framed the name Jehovah, UNKNOWN TO ALL THE ANCIENTS, WHETHER JEWS OR CHRISTIANS; for the true pronounciation of the name, which is in the Hebrew text, by long disuse, is now quite lost.” (The Holy Bible Translated from the Latin Vulgate, Douay-Rheims Bible, footnote to Exodus 6:3)

The Holy Bible Translated from the Latin Vulgate Douay-Rheims Bible Footnote to Exodus 6:3

Klaro naman pala eh. Hindi pala ang Iglesia Katolika sa kasalukuyan ang nagsasabi nito, kundi, ang mismong mga unang Katolikong Kristiyano at mga Hudio. UNKNOWN pala sa kanila ang nasabing pangalan. Dito mo talaga makikita na may tinatago ang mga tagasulat ng aklat na Watchtower Bible and Tract Society sa mga mambabasa ng kanilang mga inilimbag na aklat. Kaya nagagamit sa paninira ang mga ganitong pamumutol.

Ipagdasal natin sila na sana, habang binabasa nila ang article na ito, ay mas lalo nilang maiintindihan ang katotohanan. Kaya, sa sinasabi ng nasabing aklat, BUSTED YAN, PALPAK!!!

You Can Live Forever in Paradise on Earth, © 1982, pp. 43

Share:

Read More

KASINUNGALINGAN NI ELI SORIANO TUNGKOL SA LIMBO, TATALAKAYIN NATIN!

Isa sa mga mangangaral na dating tumutuligsa sa Iglesia Katolika ay ang Over-all Servant ng Members Church of God International na si Eliseo Soriano. Hinahangaan siya ng kaniyang mga tagasuporta dahil sa mga maaanghang niyang pahayag tungkol sa ibang relihiyon lalong-lalo na sa Iglesia Katolika.

Ngayon, ating susuriin ang isang article sa blog niyang Controversy Extraordinary, sa title na “Learn Biblical Mathematics” na isinulat noong June 16, 2018, ayon sa website nila. Heto ang nakasaad dito: 

“I said once in my Bible expositions that, “If you are going to believe the present Pope Benedict XVI, you have to disown all the previous popes before him who claimed infallibility in their teachings.” Why? They all taught that there is limbo where babies who died unbaptized will go because they cannot go to heaven.”

Tapos, dipa quote pa sila ng aklat Katoliko na Modern Catholic Dictionary sa page 319. 

Dagdag pa ni Eli Soriano-

“I also said, ‘If you are going to believe the 263 Popes before Benedict XVI and believe in the infallibility of all of them, then, you have to disown Benedict XVI who says that there exists no limbo and unbaptized children will go to heaven.’”

Grabe talaga ang mga remarks ni Eli Soriano sa kanyang blog. Pero, heto ang tanong: Totoo kaya ang pinagsasasabi ni Eli Soriano sa blog na ito? Mas mainam na ating suriin mismo ang ginamit niyang reperensya:

Atin na pong nasuri ng mabuti ito. Ngayon, totoo bang doktrina ni Iglesia Katolika ang LIMBO o hindi? Kasi sa reperensyang ginamit ni Eli Soriano, mapapansin na may iniwasan siyang basahin. Sa pahina 320 ng nasabing aklat, ganito ang ating mababasa: “The Church has never defined the existence of limbo, although she has more than once supported the fact by her authority.”

Ayan naman pala eh! Buking ka ni Ka Burnok, Mr. Eliseo Soriano. Halatang mali ata ang sinasabi mo! Hindi pala opisyal na dogma o doktrina ng Iglesia Katolika ang limbo eh. Kaya, huling-huli ka na naman, Mr. Soriano. Kaya sa sinasabi mong mali ang turo ng mga Santo Papa bago sinabi ni Pope Benedict XVI na mali ang limbo of infants, BUSTED YAN!

Share:

Read More

TOTOO BANG SI CONSTANTINE ANG NAGLIPAT NG SABBATH OBSERVANCE MULA SABADO PATUNGONG LINGGO?

Tanong: 

Ka Burnok, hello po, ask ko lang po kung totoo po ba na si Constantine ang naglipat ng Sabbath observance mula Sabado patunggong Linggo? Salamat po.  - Ehlmo Fernandez

Sagot:

Maraming salamat kapatid na Ehlmo sa iyong napakagandang tanong. Naalala ko tuloy ang nakasulat sa isang aklat na hindi ko na rin papangalanan. 

Sabbath observance mula Sabado patunggong Linggo

Totoo ba ang sinasabing ito ng aklat? Eh di, suriin natin. Ayon sa isang aklat, itong History of the Christian Church na isinulat ni Philip Schaff, sa Volume 3, Page 84, na nagsasabing: “The observance of Sunday originated in the time of the apostles, and ever since forms the basis of public worship, with its enobling, sanctifying, and cheering influences, in all Christian lands.”

History of the Christian Church, Volume III By Philip Schaff, © 1884 pp. 378

Napaklaro naman ng nakasulat sa aklat. Ayon sa pala sa history, ang mga apostol talaga ang lumipat ng Sabbath observance mula Sabado patunggong Linggo. Sa isa naming aklat, itong A Concise History of the World na isinulat ni J.M. Roberts, sa pahina 164, ganito ang nakasulat: “From 320, the sun no longer appeared on his coins and his soldiers had to go to church parades. In 321, he made Sunday a public holiday (though he said this was out of respect for the sun-god).”

Reference: A Concise History of the World by J. M. Roberts, © 1993 pp. 164

Mula sa nasabing aklat, dalawang bagay ang klaro. Una, ayon sa history, ginawang civil holiday ni Constantine ang SUNDAY at hindi po ang paglipat ng SABBATH mula Sabado patungong Linggo. Pangalawa, ginawa lang na holiday ni Constantine ang araw ng Linggo at walang kinalaman dito ang ARAW (SUN), kasi nga, isang taon bago nangyari ang pagpili sa Sunday bilang public holiday, ay hindi na makikita ang araw sa mga barya ni Constantine. Kaya mali naman ang intindi ng mga nagpapakalat ng tsismis tungkol sa kaugnayan ni Constantine sa Sabbath.

Kaya, klaro naman talaga na ang mga apostol ang naglipat ng Sabbath observance mula Sabado patunggong Linggo. Maaari ba nilang gawin ito? Basahin natin ang Mateo 18:18:

MATEO 18:18 (MAGANDANG BALITA BIBLIA)

Sinasabi ko sa inyo: anumang ipagbawal ninyo sa lupa ay ipagbabawal sa langit, at anumang ipahintulot ninyo sa lupa ay ipahihintulot sa langit. 

Kaya, mali ang unawa ang mga nagpapakalat ng tsismis na ito. Hindi po si Constantine ang naglipat ng Sabbath observance mula Sabado patungong Linggo. Klaro po ito, mga kapatid.

Share:

Read More

TAGAGIBA DAW NG KATOTOHANAN ANG FACTBUSTERS PH KASI SA KANILANG PANGALAN?

Ang FactBusters PH ay nagsimula sa isang simpleng adhikain na bigyan ng linaw ang pananampalataya sa mga kapatid ni Ka Burnok sa kanilang samahan, na hindi na lang natin pangangalanan. Ngunit, habang patuloy na nag-uupload ng mga bagong videos sa kanilang YouTube Channel, ay marami din ang patuloy na sumusubaybay sa kanilang mga bagong episodes.

Dahil mas malawak na ang mga nanonood ng mga bagong episodes, may lumaki na ang kanilang naaabot at pati ang mga miyembro ng ibang mga grupong pangrelihiyon sa Pilipinas ay patuloy na naninira sa programa. Isa sa mga ito ay ang admin ng dating YouTube Channel na nawala na lang parang bula, ang The Armor of God Youtube Channel. 

Comment ng The Armor of God YouTube Channel sa isang episode ng FactBusters PH

Ang naninira na ito ay nagsasabing tagasira daw ng FACT ang FACTBUSTERS PH kasi base sa pangalan na FACTBUSTERS, tagasira daw ito ng FACT. Ano ba ang basehan niya sa kaniyang sinabi?

Comment ng The Armor of God YouTube Channel sa isang episode ng FactBusters PH

Nagbase pa siya ng argumento niya sa Oxford Dictionary. Grabe talaga ang admin na ito ng The Armor of God YouTube Channel na napag-alaman nating miyembro ng Members Church of God International. Pero, ito ang tanong. Totoo ba ang sinasabing ito ng admin ng Armor of God YouTube Channel?

Ang salitang FACTBUSTERS ay isang halimbawa ng tinatawag nating COMPOUND WORD. Ano ba ang COMPOUND WORD? Babasahin natin ang nakasulat sa English Phonetics and Phonology na isinulat ni Peter Roach, sa pahina 82, ganito ang nakasulat: “Complex words are of two major types… and compound words, which are made of two (or occasionally more) INDEPENDENT English words (e.g. ‘ice cream’, ‘armchair’).

Klaro po ng nakasulat na ito sa nasabing aklat. Ang compound word ay isang complex word na mula sa dalawang INDEPENDENT na English words. Kaya, hindi ibig sabihin na pag sinabi nating FACTBUSTERS, pwede nating sabihin na sinisira natin ang FACT. Maling unawa iyan. Isang palpak na unawa iyan.

Isiping ito ng mabuti!

Kung tama ang unawa ng mga nagsasabing tagasira ng FACT ang FACTBUSTERS dahil sa pangalan nito, eh, ibig palang sabihin, pag sinabing BUTTERFLY, dapat ay BUTTER pala ang lumilipad? Mukhang maling logic yata iyon.

Kaya mali ay palpak ang argumento ng mga naninira sa mga nagmamahal sa FactBusters PH. Pero ito ang tanong: bakit FACTBUSTERS PH ang pangalan ng programang ito? Kasi, ating layunin na ibisto ang ipinapakalat na FACT DI UMANO ng mga tao at naninira pa sa Iglesia Katolika. Yan po ang sinisira natin. Kaya sa mga makitid ang unawa, nahuhulog kayo lagi sa kumunoy.

Share:

Read More